Cyfieithu ar y Pryd

Mae hi bellach yn arferol cynnig gwasanaeth cyfieithu mewn cyfarfodydd cyhoeddus yng Nghymru. Bydd yn arwydd eich bod:

• yn gefnogol i'r iaith Gymraeg
• yn dymuno trin pawb yn gyfartal gan roi'r hawl i bawb siarad yn ei ddewis iaith
• yn dymuno hybu gwell ddealltwriaeth rhwng unigolion
• yn dymuno gweld eich grŵp yn cydweithio'n effeithiol i gyflawni ei nod

Dibynna llwyddiant cyfarfodydd dwyieithog i raddau helaeth ar sgiliau'r cyfieithydd.  Cofiwch fod cyfieithu ar y pryd yn sgìl arbenigol a dylech gyflogi cyfieithydd proffesiynol sydd â meistrolaeth gadarn ar y Saesneg a'r Gymraeg fel aelodau Cyfieithu ar y Pryd Cymdeithas Cyfieithwyr Cymru.

Rhestr Wirio:

• Gwnewch yn siŵr eich bod yn sicrhau gwasanaeth cyfieithydd medrus mewn da bryd a rhowch gyfarwyddiadau llawn iddo ynglŷn â'r trefniadau ymarferol.
• Llogwch offer cyfieithu ar y pryd pwrpasol - gan y cyfieithydd, gan Cymdeithas Cyfieithwyr Cymru neu gan sefydliad arall.
• Cytunwch ar delerau â'r cyfieithydd cyn y cyfarfod.
• Anfonwch y papurau perthnasol at y cyfieithydd cyn y cyfarfod.
• Gofalwch fod y defnyddwyr yn cael cyfarwyddyd ynglŷn â defnyddio'r offer.

Gall cyfieithydd profiadol hefyd eich cynghori ar faterion eraill sy'n allweddol i lwyddiant y gwasanaeth, e.e. y trefniadau ymlaen llaw a chyfarwyddiadau gan y cadeirydd. 

I ddod o hyd i gyfieithydd ar y pryd ewch i'n peiriant chwilio.

Gall cyfieithwyr ar y pryd drefnu offer ar gyfer y cyfarfod ond os hoffech logi offer drosoch eich hun ewch i'n cronfa ddata.