Newyddion

• Prosiect Cyfnewid Gwybodaeth Diwydiant Cyfieithu
  
  
• Llythyr gan Berwyn Prys Jones, Cadeirydd Cymdeithas Cyfieithwyr Cymru -  Y Cymro, 2 Hydref 2009
   
  
• Astudiaethau Corpws a'r Gymraeg
  
  Mae'r Uned Technolegau Iaith yng Nghanolfan Bedwyr, Prifysgol Bangor, yn cynnig Gradd Meistr drwy Ymchwil mewn Astudiaethau Corpws a'r Gymraeg, o dan y teitl: "Astudiaeth o wallau cyffredin Cymraeg yng nghorpws Cysill ar-lein a goblygiadau hynny." Telir ysgoloriaeth blwyddyn o £9K ynghyd â'r ffioedd cofrestru a chyllideb deithio a datblygu hael. Ariannir y project hwn yn rhannol gan Gronfa Gymdeithasol Cydgyfeiriant Ewrop (ESF) ac fe'i noddir hefyd gan Gymdeithas Cyfieithwyr Cymru fel partner allanol y project.
  
  Cliciwch yma i gael rhagor o wybodaeth.
  
  
• Datganiad ynghylch y penderfyniad i beidio cyfieithu'r Cofnod
  
  Mae Cymdeithas Cyfieithwyr Cymru yn gresynu at benderfyniad Comisiwn y Cynulliad i roi'r gorau i gynhyrchu trawsgrifiadau cwbl ddwyieithog o gyfarfodydd llawn y Cynulliad.
  "Rydym wedi ein siomi gan y penderfyniad i beidio cyfieithu areithiau Saesneg ac yn gobeithio na fydd hyn yn gosod cynsail ar sefydliadau yn y sector cyhoeddus i gwtogi ar gyfieithu dogfennau pwysig", meddai Geraint Wyn Parry, Prif Weithredwr Cymdeithas Cyfieithwyr Cymru.
  Ychwanegodd fod y penderfyniad hefyd yn ergyd drom i'r diwydiant cyfieithu yng ngogledd-orllewin Cymru sy wedi bod yn gyfrifol am y gwaith am rai blynyddoedd ac i fywoliaeth amryw o gyfieithwyr proffesiynol.