A-Z aelodau

Mae safon Aelodaeth Cyfieithu ar y Pryd yn cyfateb i safon aelodaeth gwbl broffesiynol lle gall yr aelod gyfieithu’n rhugl ac yn gywir o’r Gymraeg i’r Saesneg mewn sefyllfaoedd sy’n amrywio o’r tra ffurfiol i’r anffurfiol iawn. Disgwylir iddo/i feddu ar ddealltwriaeth glir o gefndir diwylliannol y ddwy iaith.

Mae safon Aelodaeth Gyflawn yn cyfateb i safon aelodaeth gwbl broffesiynol, sef nad oes angen unrhyw oruchwylio ar y cyfieithydd. Disgwylir iddo/i fedru cyfieithu’n rhugl ac yn gywir, ysgrifennu mewn sawl arddull a chywair yn ôl yr angen a gallu ymdopi ag iaith haniaethol neu dechnegol. Disgwylir iddo/i hefyd feddu ar ddealltwriaeth glir o gefndir diwylliannol y ddwy iaith. Ar ôl iddo/i gwblhau ac adolygu cyfieithiadau, ni ddylai fod angen eu diwygio na’u cywiro.

Dyma'r lefel broffesiynol sylfaenol i'r rhai sy'n gwneud gwaith cyfieithu mewn amrywiaeth o feysydd cyffredinol ac yn trafod meysydd mwy arbenigol o bryd i'w gilydd. Disgwylir i'r safon gyfateb i waith cyfieithydd sydd ar ddechrau ei g/yrfa ac yn gweithio dan arolygiaeth cyfieithydd profiadol ers blwyddyn a rhagor. Disgwylir iddo/i fedru cyfieithu deunydd darllen cyffredinol yn weddol ddidrafferth. Dylai feddu ar ddealltwriaeth gyffredinol o gefndir diwylliannol y ddwy iaith.

Chwilio am gyfieithydd

Math Cyfieithydd
Cyfieithydd ar y Pryd

Croeso i’r Cyfeirlyfr o Aelodau Cymdeithas Cyfieithwyr Cymru.
Gan fod cyflwyniad dwyieithog lle mae’r Gymraeg o safon uchel yn gwella eich delwedd, y mae’n hanfodol cyflogi cyfieithydd cymwys. Mae hyn yn wir hefyd wrth gomisiynu cyfieithydd ar y pryd.
Dyma'r unig gofrestr o gyfieithwyr Cymraeg/Saesneg cydnabyddedig ar sail eu gwaith, a chyfeirir unrhyw un sydd yn holi am gyfieithydd at y rhestr hon gan Fwrdd yr Iaith Gymraeg.
Rhoir cyngor pellach ynghylch comisiynu cyfieithydd yma.

Defnyddiwch y peiriant chwilio ar y chwith i ddod o hyd i’ch cyfieithydd:
1. Dewiswch un ai ‘Cyfieithydd’ (testun) neu ‘Gyfieithydd ar y Pryd’*
2. Os ‘Cyfieithydd’, yna dewiswch i ba iaith y mae gofyn cyfieithu.
3. Dewiswch un ai Aelod Cyflawn neu Aelod Sylfaenol neu'r ddwy lefel.
4. Gallwch hefyd ychwanegu opsiynau eraill megis maes, gwasanaethau eraill ac ardal.
5. Bydd y blwch olaf yn nodi nifer Canlyniadau’r chwiliad ac o glicio ar y rhif cewch restr lawn o enwau ar yr ochr dde heb fod mewn unrhyw drefn o gwbl.
*6. Os ‘Cyfieithydd ar y Pryd’, dim ond cyfieithu un ffordd a geir sef o’r Gymraeg i’r Saesneg a dim ond un lefel o aelodaeth a geir sef Aelod Cyfieithu ar y Pryd.

*Er bod modd creu rhestr yn ôl ardal, cofiwch hefyd fod nifer o'r aelodau hyn ar gael i gyfieithu mewn cyfarfodydd ledled Cymru ac nid o fewn eu hardaloedd eu hunain yn unig.