Y Gymdeithas

Sefydlwyd y Gymdeithas yn 1976 i ddarparu llwyfan ar gyfer trafod materion yn ymwneud â chyfieithu Cymraeg/Saesneg yng Nghymru. Bellach y mae'r Gymdeithas wedi cofrestru'n gwmni cyfyngedig drwy warant.

Fel yr awgryma logo'r Gymdeithas y mae'n ymwneud â chyfieithu ar bapur a chyfieithu ar y pryd.

Nod y Gymdeithas yw Sicrhau Safonau Cyfieithu Proffesiynol ar gyfer Cyfieithu Cymraeg/Saesneg.

Llywyddion Anrhydeddus y Gymdeithas yw Y Dr Bruce Griffiths a
Dafydd Glyn Jones, golygyddion Geiriadur yr Academi. Cyn iddynt ymddeol yn ddiweddar roedd y Dr Bruce Griffiths yn ddarllenydd yn Adran Ieithoedd Modern, Prifysgol Cymru Bangor a Dafydd Glyn Jones yn ddarllenydd yn Adran Gymraeg y coleg hwnnw.

Mae'r Gymdeithas yn aelod swyddogol o Fédération Internationale des Traducteurs (FIT), sef corff rhyngwladol ar gyfer cymdeithasau cyfieithwyr proffesiynol sy'n hyrwyddo buddiannau cyfieithwyr a chyfieithu.

Y Gymdeithas fydd yn cynghori Bwrdd yr Iaith Gymraeg
ar faterion cyfieithu.